Skógarás familían

Ný síða

2007-03-20T11:49:00.000Z

Hæ
Við höfum ákveðið að prufa að fá okkur nýja síðu, slóðin er 123.is/skogaras
Þar er hægt að skoða myndaalbúm og margt voða flott.

Igga

Börn okkar systkyna og eitt til.

2007-03-19T18:13:00.000Z

Efstur er Benedikt, næsta röð frá vinstri: Ásbjörn, Kristbjörg Ásta,Sölvi, Margrét Edda, Aron Elís og Marteinnn Aldar.
Frá vinstri:Elmar Logi, Brynhildur, Guðmundur Hafsteinn og svo er systursonur Þrándar, Daníel.

Já á sunnudagskvöldið hittumst við systkynin heima hjá Rakel og borðuðum saman. Við Skógarásarnir fórum um kl. 5 til þeirra og náðu krakkarnir okkar að leika sér við Ljósalandsliðið aðeins áður en Dalsgerðisliðið kom úr kaffiboðinu sem þeim var boði í. Það var svo líf og fjör eftir að allir voru komnir í hús, minnti mig svolítið á íþróttakennsluna hérna áður fyrr, fékk svona „flassback" úr íþróttahúsinu.
Svo var liðið myndað, svona í tilefni af því að allir voru á svæðinu. Þetta verður svo endurtekið í hvert skipti sem við hittumst með öll börnin. Það verður gaman að eiga þessar myndir og bera þær saman þegar við/þau eru orðin gömul.

Helgin rétt að byrja...

2007-03-16T19:39:00.000Z

Það er búið að vera gestasamt í kotinu undanfana daga. Hjúkk, og við sem héldum að fólk væri búið að gleyma okkur... við búum í Reykjavík!!!
Heiða og Kalli komu í hádegiskaffi til okkar, langt síðan þau komu, enda búsett á Hólmavík og ekki á hverjum degi í bænum. Þau komu fimm saman, voru með sína fylgifiska með.
Friðgeir bróðir og Inga komu svo í seinna kaffið. Þau voru með allt sitt lið, fimm að tölu. Ennþá lengra síðan þau komu til okkar, enda búa þau á Akureyri og alls ekki alltaf í bænum. Brynhildur var rosalega hissa þegar hún kom heim og sá allt þetta fólk heima hjá sér. Var frekar feimin til að byrja með en svo fór það fljótt af henni.

Við erum núna mikið að horfa á fólk sem kemur til okkar(sjáum alla koma út um eldhúsgluggann), sérstaklega fólk með stóra fjölskyldu, því við erum að velta því fyrir okkur hvernig við sjálf lítum út þegar við komum í heimsókn til ykkar. Við erum nefnilega orðin 6 talsins!!!
Ég ímynda mér að við lítum út eins og í Dressmann auglýsingunni, göngum þétt saman skellihlæjandi þannig að það líti út fyrir að atriðið sé sýnt hægt (stuttir fætur hafa þessi áhrif á sýn fólks á göngulagi):-).
Svo er það bara hvernig þið sjáið okkur???

Á laugardagskvöldinu verða Friðgeir, Inga og fjölskylda í mat hjá okkur og Igga ætlar að harka á leigubílnum aðeins um kvöldmatarleytið(skutla Olgu og Hafþóri á árshátíð).

Haglél sem segir sex...

2007-03-15T14:29:00.000Z

Í gær skruppum við í búð. Igga hljóp inn á meðan við feðgar biðum í hlýjunni í bílnum. Á þessum stutta tíma kom þetta líka rosalega haglél. Það dundi á bílnum og ég sá þar sem fólk forðaði sér inn í búð á harða hlaupum (mjög fyndið).
Þegar við komum heim sáum við hvernig hagl hafði fallið í Skógarásnum. Á svölunum hjá okkur voru þessar svakalegu kúlur og voru þær töluvert stærri en þær sem fólkið var að hlaupa undan við búðina nokkru fyrr.
Ég fór út á svalir og tók stærstu kúluna sem ég sá, fór með hana inn og mældi með reglustiku. Kúlan hafði aðeins bráðnað í lófanum á mér en var samt rúmlega 10 mm að þvermáli (1 sm)!
Ég ákvað svo að fara með reglustikuna út og mæla þetta betur og þetta var afraksturinn.
Ég held að þetta séu stærstu högl sem ég man eftir að hafa séð (fyrir utan haglið sem var í myndinni „Day after tomorrow").

Hvað á barnið að heita?

2007-03-12T11:15:00.000Z

_ _ _ _ _ _ _ _ / _ _ _ _ _

Þá er komið nafn á drenginn. Eftir miklar vangaveltur og púsluspil þá fannst nafn sem hæfir þessum unga manni. Við erum nokkuð ánægð með það og ákváðum að hafa eitt aukanafn með en það er aðeins styttra.
Nafnið kemur ekki strax á netið en þeir sem eru forvitnir geta komið í heimsókn til okkar og fengið að vita. Þá er einnig hægt að hringja í okkur en þá verður aðeins fyrra nafnið gefið upp.:-)

Rós eða prjónn í hnappagatið???

2007-03-11T23:34:00.000Z

Ég get nú ekki sagt að þessi heiðursviðurkenning sem ég fékk í dag hafi nú verið einsdæmi. Þetta var sem sagt viðurkenning á því að ég hafi starfað í þágu félagsins í ákveðinn tíma, og var það sem sagt silfurmerki ÍR sem ég fékk. Það voru 50 aðrir sem fengu sömu viðurkenningu hjá félaginu sem er flott þar sem ÍR er eitt stærsta íþróttafélag borgarinnar.
Það eru hins vegar aðrar viðurkenningar sem ég sækist eftir núna og eru þær veittar innan veggja heimilisins. Þær getur verið auðvelt að fá frá degi til dags en oft á tíðum einnig mjög erfitt. Heimilisviðurkenningar nælir maður hvorki í jakkalaf eða bindi eða hengir um háls eða upp á vegg. Þessar viðurkenningar ber maður með sér hvert á land sem er án þess að þær verði manni íþyngjandi (rosalega er maður orðinn skáldlegur).
Þessi mynd var tekin af okkur þegar ég kom heim eftir að hafa tekið við ÍR prjóninum. Þarna er ég með þær viðukenningar sem ég þarf!

Gamli minn

2007-03-11T11:36:00.000Z

Sæl öll

Þá er komið að mér að blogga, Sverrir er reyndar skemtilegri penni finst mér.
Við Mía (Binna) og lilli erum ein heima núna, við ætluðum með Sverri en það er bara svo vont veður að ég vildi ekki taka litla út. Sverrir er á 100 ára afmæli ÍR. Hann fékk bréf í vikuni um að þar yrðu veittar ýmsar heiðursviðurkenningar, og hann yrði á meðal þeirra sem ÍR vildi heiðra. Það fyrsta sem ég hugsaði þarf maður ekki að vera eldri til að fá heiðursviðurkenningu? En svo fattaði ég að hann er orðin helv.. gamall :)
Það verður gaman að vita hvað fór fram þarna þegar hann kemur heim. Ég læt vita þá.

En eins og ég sgði þá er ég ein með yngstu börnin, Brynhildur reynir að príla uppí vagninn hjá lilla og var að enda við að reyna troða poppkexi uppí hann. Ég verð bara að standa vörð hjá vagninum á meðan lilli er vakandi.

Einhverra hluta vegna er ég að drepast í öxlini og herðunum, alveg uppí háls. Ég hélt að þetta væri vöðvabólga en þetta er búið að vera svona í 2 vikur, og ég vakna upp á nóttuni með hausverk og er farin að taka verkjalyf, eittthvað sem ég geri aldrei. Hlálp!

Jæja Brynhildur er farin að henda sér í gólfið hérna, ég skrifa meira næst.

Igga

Hott, hott á hesti...

2007-03-09T18:51:00.000Z

Í dag var blíðskaparveður, stillt og þokkalega heitt. Við fórum seinnipartinn til ömmu Þuru og Péturs í kaffi og tókum þann litla með. Pétur(sem er að verða níræður) hafði farið með Bjarna bróður ömmu út á Granda til að kaupa fisk og komu þeir stuttu eftir að við komum.

Eftir kaffið fórum við heim en á leiðinni sáum við hesta í Víðidalnum og komum þar við. Fólk var þar að nýta góða veðrið og var í óða önn við að ríða út. Við stoppuðum hjá einum reiðskólanum og kíktum á hrossin. Brynhildur var svo spennt að hún skrækti af kæti og minnstu mátti muna að hún fældi hestana. Henni var svo boðið að setjast á bak en hún þáði það EKKI mjög pent.

Þegar við vorum svo að fara var mikið grátið, eða þannig, Binna var ekkert hress að þurfa að fara þegar hún var rétt að komast í gírinn.

Skautaferð í Laugardalinn

2007-03-08T17:13:00.000Z

Í gær fórum við á skauta. Þ.e. fjórir fóru á skauta, mamman og lillinn fóru ekki með. Þannig var að foreldrafélagið í bekknum hans Benna skipulagði ferðina sem endaði með pizzum fyrir alla, systkyni og foreldrar voru með.
Ásbjörn og Benni skautuðu allan tíman og ég hélt á Brynhildi meira og minna á svellinu en ég var að sjáfsögðu á skautunum mínum, kemur sér vel að hafa fengið skauta í afmælisgjöf fyrir 15 árum!!
Þetta var príðilega heppnuð ferð og allir skemmtu sér vel. Fyrst var kveikt ljós á svellinu en svo var slökkt og þá var diskókúla í loftinu og litaljós, svaka fjör.
Við fórum svo heim klukkan 19, vorum búin að vera síðan klukkan 17.

Sverrir

Fyrsta baðið.

2007-03-07T13:42:00.000Z

Þá var komið að því að baða. Eftir hádegislúrinn var maðurinn háttaður og settur í bala sem var fullur af volgu vatni. Okkar maður hefur ekki komist í nálægð við vatn síðan hann fæddist en eins og allir muna þá fæddist hann í baði.

Hann var ekkert eins hrifinn af þessu vatni eins og mætti halda, þó hann sé fiskur í húð og hár og lét okkur vita af því allan tímann.

Baðferðin var nú stutt og hann komst fljótt upp úr þessum bölvaða bala og inn í rúm þar sem pabbi hans þurrkaði honum. Hann var nú ekkert ánægður með það heldur og lét í sér heyra. Allt í einu þagnaði hann þar sem hann var vafinn inn í handklæðið á rúminu, svo fann pabbinn buxnaskálmina sína vogna aðeins og komst þá að því af hverju drengurinn þagnaði. Hann hafð sem sagt náð að pissa út úr handklæðinu og beint á pabba sinn og niður á gólf, alger snilld!

Svo tók þetta nú allt enda og hann jafnaði sig fljótt efir að hann fattaði að það var stutt í matinn(drykkinn). Þvílíkur léttir að þetta sé allt af staðið!

Kveðja úr Skógarási.

Vigtun...

2007-03-05T20:11:00.000Z

Í dag kom ljósmóðirin í heimsókn og viktaði litla manninn okkar. Hann er enn að þyngjast og vó núna 4.210 gr. Þess má geta að rétt fyrir mælingu náði hann að létta töluvert á sér, bæði meig og skeit á síðustu stundu. Hann hefði sennilega náð í fjögur og þrjú ef hann hefði haldið í sér :-)
Það gengur annars allt vel á heimilinu, allt hreint og fínt og fólki er alveg óhætt að kíkja í heimsókn. Igga getur bakað á milli gjafa og kökurnar hennar eru bara ágætasta brauð og slær bakraísbakkelsinu ekki slöku við.

Pest er verst...

2007-03-05T14:58:00.000Z

Þá er sunnudagurinn liðinn og þvílíkur léttir. Ég var sem sagt með ælupest í einn dag og það var sunnudagurinn. Ég vaknaði með Brynhildi um morguninn um kl. 8 og var þá eitthvað slappur. Igga og litli minn sváfu áfram. Svo byjaði vesenið kl.9 yfir klósettskálinni! Uuuuuuðð... Brynhildur vissi náttúrulega ekki hvað var að gerast en fylgdist vel með þessum raunum, hún stóð við hliðina á pabba sínum og horfði agndofin á.
Ég lá svo eins og skotinn allan daginn og var ekki skárri fyrr en seint um kvöldið. Núna í morgun var ég svo orðinn fínn aftur. Ég fór með Brynhildi til dagmömmunnar og þar sagði dagmamman mér að hún hefði legið alla helgina með pest!
Þá bíður maður spenntur eftir því hver verði næstur í röðinni af okkur???

Kveðja,
Sverrir

Laugardagsmorgun, á fætur ég fer...

2007-03-03T12:07:00.000Z

Núna í morgun vaknaði Brynhildur klukkan 7, eða rétt rúmlega. Við fórum framúr á meðan Igga og lilli minn héldu áfram að hvíla sig. Morgunmaturinn étinn eins og á virkum degi og svo fór Brynhildur að dunda sér við leik en pabbinn fékk að halla sér í sófann yfir barnaefninu!

Svo byrjaði EM í frjálsum í sjónvarpinu kl. 10 og þá límdist maður við skjáinn. Það er æðislegt að vera í fríi þegar svona mót eru sýnd beint í sjónvarpinu, maður er bara heima og horfir á ALLA útsendinguna.

Fljótlega komum mæðginin á fætur en þau eru á hvíldartímabili eins og er í lífinu, eins og gefur að skilja!

Kv
Sverrir

Opera sem virkar

2007-03-01T17:17:00.000Z

Í dag skiptum við um netbrowser. Við erum búin að prófa að hafa nýja Internet Explorer og nýja Firefox browserinn og þeir hafa verið fínir, margt sniðugt í nýju uppfærslunum.
Igga er hins vegar að nota WebCT í skólanum hjá sér(fjarnámið) og hefur það ekki gengið vel. Það einfaldlega virkar ekki á IExpl.7 og einhver vandræði voru að koma upp með Firefoxinn.
Ég var að reyna að finna út hvað gæti verið að þegar ég datt niður á nýjan browser sem heitir Opera! Þessi er alveg sambærilegur og hinir, með alla nýju fídusana og virkar með allt sem við notum hann í þ.e. WebCTið hennar Iggu er í lagi og engin vandamál með það.
Ef einhver vill prófa þá er bara að fara á opera.com og kíkja á þetta.
Kv
Sverrir

Er þessi drengur líkur mér?

2007-02-28T20:17:00.000Z

Átti þessa mynd til af mér þegar ég var á unga aldri. Það er alltaf verið að velta fyrir sér hverjum sonurinn er líkur og því ekki að senda eina mynd af pabbanum á netið og sjá hvort fólk sjái einhvern svip með okkur???

Hingað til hafa ættingjar Iggu séð alla hennar þætti í Brynhildi og líka í honum Bangsa mínum og svo öfugt með mitt fólk (þó ég þurfi nú stundum að kalla eftir stuðningi eða pína fólkið með mér í lið).

Nei, nei, þetta er sko engin keppni og ég hef verið mjög ánægður með að dóttirin líkist móður sinni, tel það skárri kost í stöðunni. En drengurinn má alveg líkjast mér. :-)

Hvað finnst ykkur?

Kv. Sverrir

Auga fyrir auga...

2007-02-27T20:19:00.000Z

Þessa dagana er helst spurt um hvort búið sé að ná mynd af stráknum nýfædda með opin augu, og hvort hún fari ekki beint á bloggið um leið. Það er nú stutt saga á bak við það.

Þannig var að drengurinn fékk einhverja sýkingu í hægra augað og hefur hann ekki getað opnað það að neinu marki frá því að hann fæddist. Þetta lýsir sér þannig að þegar hann vaknar eru það miklar stírur í auganu á honum að það er bókstaflega límt aftur! Límda augað hefur þá verkun á hitt augað að það opnast voðalega lítið. Við erum þó búin að fá meðal við þessu og það er strax farið að virka.

Við höfum þó séð hann með opin augu og er jafnvel hægt að segja að það sé dökkur augnlitur á honum þessum. Hvort það verða brún augu eða eitthvað annað er ekki gott að sjá á þessari stundu.

Loksins náðist að smella af einni mynd af drengnum þegar hann vaknaði og var að skoða sig um á meðan við skiptum á honum. Það má glöggt sjá að hann er feginn að losna við það sem hann var búinn að setja í pakkann.

Já, svo var það 5 daga skoðunin í dag. Hann var viktaður og reyndist hann hafa þyngst örlítið, var orðinn 4 kg. slétt, var 3.910 gr. við fæðingu. Nokkuð gott hjá okkar manni sem drekkur mjólk eins og honum sé borgað fyrir það.

Kveðja frá hinum fjóru fræknu og tveim í fríi.

26. febrúar, sólskin og kalt.

2007-02-26T20:20:00.000Z

Í dag var tekin blóðprufa úr hælnum á drengnum okkar. Hjúkkan sem kemur á hverjum degi mætti með lítinn hníf og stakk í hælinn á honum og kreysti nokkra dropa á blað og verður rannsakað hvort hann sé með einhvern skjaldkirtilssjúkdóm. Besta mál en okkar manni fannst það algjör óþarfi að láta meiða sig svona rétt á fyrstu dögum lífsins.

Strákarnir eru farnir frá okkur þessa vikuna og því svolítið tómlegt í kotinu, tveir fullorðnir og tvö lítil börn. Brynhildur er ekki vön þessu þ.e. að vera stóra systir og elsta barnið á heimilinu, aðra hverja viku. En þetta venst og hún er voðalega góð við strákinn, stundum einum of góð.

Í dag kom Olga í heimsókn, færandi hendi, var með alls konar dót í krukkum og piparkökur í dós. Brynhildur fékk sér náttúrulega nokkrar og gaf öllum með sér. Hún gaf pabba köku, mömmu eina og Olgu líka. Svo skellti hún sér inn í stofu þar sem litli bróðir hennar lá í vagninum og gaf honum tvær kökur. Hún náði ekki alveg upp í vagninn þannig að hún henti þeim bara uppí til hans þannig að hann gæti örugglega fengið sér bita. Pabbinn mátti svo sópa mylsnurnar úr hárinu á drengnum og tína brotin upp úr vagninum.

Brynhildur sá þegar amma Signý fór út á svalir og hreinsaði til þar um helgina. Hún skellti sér út á svalir, var búin að búa sig til fyrir þetta verk, fór í stígvél og náði í fægiskófluna og setti á sig hjálminn! Ég var ekki vitni að þessum orginal þrifum hjá tengdó en það hefði verið fyndið ef amman hefði dressað sig upp svona þegar svalirnar voru teknar í gegn:-)
Brynhildi fannst hins vegar frekar kalt úti, eins og hún sýnir svona berlega á myndinni („þetta er kalt" látbragðið) þannig að hún fór bara inn fljótlega, enda búið að hreinsa svalirnar svona líka frábærlega nokkru áður!

Á morgun förum við svo með prinsinn í læknisskoðun á spítalann.

Kveðja frá Skógarási.

Laugardagur

2007-02-24T13:04:00.000Z

Jæja, þá eru tvær nætur liðnar með þann litla í heimahúsi.

Hann er rétt að skapa sér þá venju að sofa á daginn og vaka á nóttunni!
Ég er með bauga niðrá kinnar, það er eins og Sverrir hafi fengið nóg af mér og gefið mér högg öðru megin allavega gera þau hin mikið grín af glóðurauganu mínu. En ljósan segir að ég þurfi bara að hvíla mig meira (hversu mikið þarf það að vera?), ég ligg meira og minna í rúminu og geri ekki neitt. Brjóstagjöfin gengur vel, drengurinn er mathákur eins og við hin.

Brynhildur er að venjast nýju dúkkuni sinni hún er voðalega góð og vil mikið fá að koma við hann. Strákarnir eru eitthvað ósáttir við hvorn annann, þeir eru monntnir með litla bróður en það er MJÖG stuttur þráðurinn. Allavega var ekki hægt að sofa í morgun útaf látum í þeim bræðrum (grátur og gnístan tanna). Mamma og pabbi fóru með þá í keilu og ég vona að þeir fái smá útrás við það.

Takk fyrir allar kveðjurnar, þið eruð velkomin í heimsókn þegar þið viljið.
Nú snúum við okkur aftur að bikarkeppnini

Igga

Nokkrar myndir

2007-02-23T14:56:00.000Z

Fæddur er frelsari vor...

2007-02-23T14:01:00.000Z

...því frúin er orðin léttari-í lund.

En strákurinn okkar fæddist þann 22. febrúar klukkan 00.52. Igga fór að finna fyrir verkjum kl.6 um morguninn þann 21. og var tilkynning send út á heimsbyggðina. Olga var ræst af gömlum vana og boðuð í Skógarás til að redda okkur. Hún kom og fór með Ásbjörn á leikskólann því við héldum að þetta væri að bresta á. Við fórum hins vegar ekki upp á deild fyrr en klukkan 15.30 því verkirnir urðu ekkert verri þótt liði á daginn. Á deildinni var Igga sett í mónitor og þar var allt með kyrrum kjörum (eða svoleiðis). Við fórum út aftur og fengum okkur vel að borða og fórum svo aftur uppeftir og beint inn í Hreiðrið, en þar var okkur boðið að eiga barnið.

Þegar við komum í Hreiðrið var klukkan hálf sex og enn svipaðir verki og í upphafi! Hjúkkurnar voru að velta fyrir sér hvort við værum að plata þær og voru að hugsa um að senda okkur bara heim aftur því ekkert bólaði á barninu. Það var svo ekki fyrr en klukkan hálf tólf að ákveðið var að læknirinn kíkti á málið. Hann ákvað strax að stinga á belginn og koma þessu af stað, alveg óþarfi að láta konuna þjást!

Klukkutíma síðar var barnið fætt! Fæðingin fór fram í baðinu í Hreiðrinu. Þvílíkur munur að geta farið í baðið því það léttir töluvert á verkjunum í fæðingunni. Eins og Igga sagði þegar hún var komin í baðið og fann muninn „andskotinn að maður hafi ekki fattað þetta fyrr..."

Fjólublár drengur kom í ljós upp úr vatninu og lét í sér heyra strax og hann kom upp á yfirborðið. Hann var fljótur að taka eðlilegan lit (eða svo til) og braggast vel.

3910 gr. og 51 sm voru málin.

Blóm og kransar afþakkaðir...

2007-02-18T21:45:00.000Z

Já, við svona sérstök tilefni, eins og 19. feb er, þá þarf stundum að senda út fréttatilkynningar. Þar sem komið er að mínum ómerkilega afmælisdegi þá er meiningin að halda Bolludaginn háttíðlegan í staðin, af því að hann er miklu skemmtilegri! Ég verð hins vegar heima eftir miðjan daginn, verð kominn heim úr vinnu, sprækur sem lækur.

Svo er náttúrulega meiningin að eignast afkvæmi seinnipartinn líka, geri rá fyrir því um klukkan 19.00, þannig að ef einhverjir ætla að koma í heimsókn til mín (á þessu merka degi, bolludegi) þá geri ég ráð fyrir því að það þyrfti að vera á milli 16-19!

Igga er sem sagt að springa, ég nuddaði á henni hendurnar núna í kvöld (18.feb) þannig að þetta ætti að vera búið að kreistast út á morgun. Bjúgurinn sér til þess að skapa nægan þrýsting og þar sem ég er búinn að nudda hann úr höndunum þá ætti hann að vera kominn að bumbunni.

Þá er það bara stóri höfuðverkurinn..... Hvað á barnið að heita?????????

Kv.
Sverrir

Bjúg-tí-fúl, ekki satt?

2007-02-15T21:03:00.000Z

Jæja þá er komið að mér að blogga á þetta Skógarása svæði!!!

Eins og komið er fram þá er hann „Bangsi" minn ekki enn full gerður, það þarf aðeins að fínisera línurnar betur á honum áður en honum er skilað út í þessa veröld. Þetta er allt í lagi ennþá. En ekki misskilja mig út af þessari fyrirsögn sem er á greininni hún segir EKKERT til um hvernig ástandið er á heimilinu. Að vísu er smá bjúgur að herja á líkamann á konunni eins og meðfylgjandi mynd sýnir. Hvað varðar þessa morgun fýlu sem frúin var að ýja að í síðustu grein þá get ég varla sagt að hún sé tíu sinnum meiri en vanalega (þó ástandið sé eins og það er). Það er kannski tvisvar sinnum meira þegar yngsta afsprengið tekur sig til með morgunfýlu. Guði sé lof fyrir morgunvaktir, þar byrja ég kl. 07.00 í vinnunni og er farinn úr húsi kl. 06.30, á meðan aðrir meðlimir fjölskyldunnar eru enn að slefa í koddann:-)

Nei, án gríns þá er frúin enn þá jafn „bjútífull" og hún var þegar ég sá hana fyrst þó hún reyni að telja manni trú um annað. Við bíðum þolinmóð eftir að eitthvað gerist og ég er marg búin að segja frúnni að þessi megrunarkúr sé bestur, við köllum hann Febrúar-kúrinn.

Sverrir

Ég er enþá með bumbubúa

2007-02-15T11:31:00.000Z

Ég bíð og bíð. En ekkert virðist ætla að gerast. Í dag er ég búin að liggja og horfa á eina mynd. Ég er að reyna að vera róleg og ekki gera mikið. Það er víst sagt að það virki (að slaka á).
Olga kom færandi hendi með nokkrar dvd sem ég er að vera búin með. Og svo er ég að reyna að vera dugleg að læra, sem gegnur bara vel held ég.

Ég var að lesa í á einhverjum vef að núna eru öllum börnum innan 12 ára bannað að koma inná kvennadeildina á lansanum. Þetta þýðir að börnin fá ekki að heimsækja systkini sín á sjúkrahúsið. Þetta er útaf RS-vírus, sem er víst farin að verða svoldið skæður. Sumar konur sem ég hef verið að tala við ætla ekki að leyfa annara manna börnum að koma í heimsókn heim fyrstu dagana. Ég veit ekki hvað það stoppar, ég er náttúrulega með börn í skóla, leikskóla og dagmömmu. Ætli mín börn smiti ekki alveg eins og annarra.

Við Brynhildur sváfum aðeins lengur en vanalega í morgun, og hún var ekki í góðu skapi þegar hún vaknaði. Ég held að hún hafi fengið þessa dásamlegu morgunúríllu frá mér. Allavega erum við ekkert sérlega skemtilegar ný vaknaðar.

Ásbjörn fór til Hólmavíkur á föstudaginn og kom með pabba í gær. Hann ætlar að eiga heima á Hólmavík segir hann, en ekki með okkur hinum, bara einn!
Þeir bræður eru núna hjá pabba sínum, en koma aftur á mánudag. Benni kemur samt alltaf eftir skóla og er hérna hjá mér þangað til pabbi hans sækir hann um 4-5 leytið.

Í dag er planið að versla og slaka svo á (láta Sverri elda eitthvað gott).

Bæ
Igga

Pabbi að fermast

2007-02-06T19:30:00.000Z

Ég má til með að sýna ykkur fermingamynd af pabba.

Eru þau ekki svolítið lík?

2007-02-06T19:17:00.000Z

Ég verð að segja það að þessi börn eru svolítið lík. Ef myndirnar væru allar í jafn góðum gæðum sæist það betur. Tek það fram að Finna frænka er líka með, en hún er með mig í miðjuni. Ég kann ekki að snúa myndunum, þannig að Binna er á hlið.

Það er að koma febrúar!

2007-01-29T23:08:00.000Z

Jæja veikindum er vonandi lokið. Þegar Brynhildur var rétt farin að jafna sig, þá veiktist Benni. Hann fékk 40 stiga hita og var heima frá mánudegi og fór í skólann á fimmtudag. Við Sverrir erum með bullandi kvef, en það er víst ekki talið með.

Ég er byrjuð í skólanum á fullu, það gengur hægt að læra. Þetta er aðeins meira en síðast. Ég ætlaði að vera rosa dugleg og nota morgnana til að læra en ég las einhverstaðar að eftir 37. viku á meðgöngu ætti að hvíla sig eins mikið og maður getur. Ég tók það bókstaflega og hvíli mig mikið. En ég næ þó að klára verkefnin á réttum tíma.

Um helgina var Sverrir á næturvöktum og það þýddi að ég var ein mest alla helgina með krakkana. Á laugardagsmorgunin sat ég í ruggustólnum góða, með svo mikla samdráttaverki að ég var nærri búin að vekja Sverri eða hringja í mömmu (eins og hún gæti gert eitthvað) og byðja hana að koma og hjálpa mér. En þetta gekk yfir, ég klæddi börnin og fór til Siggu frænku, og var þar í tvo, þrjá tíma. Síðan fór ég til Esterar (hún átti afmæli) og þá var ég hressari og gat hakkað í mig tertum.

Strákarnir berjast um að leika við Óðin (son Esterar), hann er að verða sjö ára. Þegar Ásbjörn kemur einn með mér þangað þá leika þeir sér saman, en þegar Benni er með þá er Ásbjörn útundan og Benni og Óðin ná vel saman. Ásbjörn er búin að eiga svolítið bágt, ég held að hann viti að annað barn er að koma og þá verður hann ekki lengur litli strákurinn. En við verðum að vera duglegri að vera með honum, og láta hann fá alla athyglina. Hann þarf á því að halda held ég.

Jæja ég verð að fara halda áfram að læra. Og lofa að vera duglegri við að blogga.

Igga

Veikindi

2007-01-21T23:05:00.000Z

Ég er byrjuð aftur í skólanum, nú horfi ég ekki lengur á sjónvarpið. En ég hlakka svolítið til að hella mér aftur í þetta.

Brynhildur fór í 18mán skoðun á miðvikudag, þá var hún svo kvefuð að læknirinn vildi ekki sprauta hana. Um kvöldið kom hiti og næsta dag fór ég með hana og lét hlusta hana. Þá var hún komin með lungnabólgu :/ Og Binna litla er komin á pensilín í fyrsta skipti. Hún ældi að vísu þegar við reyndum að gefa henni það, en hún er að venjast þessu og kúgast ekki eins mikið núna. Hún fékk líka púst og henni finnst hún rosa dugleg að anda því að sér. Hún er orðin jafn pirruð og ég á því að hanga inni, í dag kom ég að henni uppí glugga að kalla á krakkana sem voru úti, og síðan náði hún í eitt sígvél og einn skó og fór í og sagði út!!
Ásbjörn er nýbúin að jafna sig á eyrnabólgu, hann var með hita fyrst en ég var með hann heima í þrjá daga í síðustu viku. Honum fannst það ekki leiðinlegt. Reyndar langaði honum út að renna, hann fékk að fara smá þegar hann var hitalus. Mér finnst leiðinlegast að komast ekki að renna sjálf, ég þori ekki eftir bilturnar í fyrra.

Bæ
Igga

30.des

2006-12-30T23:18:00.000Z

Hæ öll

Það er búið að vera frekar rólegt hjá okkur hér í Skógarási um jólin.Við fórum í jólaboð til Rakelar á fimmtudag, þar voru stödd föðurfjölskylda Sverris og var mikið fjör. Krakkarnir voru þvílíkt að leika sér og höfðu mikil læti, sem betur fer er húsið með neðri hæð þar sem þau voru. Það var ágætt að fara í allavega eitt jólaboð, eins og ég sagði þá hefur verið rólegt hjá okkur, engin hefur komið í heimsókn og ég sé ég fram á að borða allar jólakökurnar sjálf. Ég var samt að spá í að setja þetta bara allt saman í frost og bjóða uppá þetta í afmælinu hans Sverris í febrúar J

Talandu um Sverri, við áttum brúðkaupsafmæli í gær, hver haldiði að hafi gleymt því? ÉG……….. er það ekki yfirleitt kallinn sem gleymir svona löguðu? Ég skammast mín pínu sko, en ég bæti það einhvernvegin upp.

Hér eru nokkrar jólamyndir, Benni og Ásbjörn voru mjög æstir þegar kom að því að opna alla pakkana.

Binna var ekki á því að láta taka af sér mynd með jólasveininum. Hann var að koma með jólapóstinn.

Þorláksmessa

2006-12-23T13:00:00.000Z

Sæl öll sömul
Við Skógarásfólkið erum stödd á Hólmavík núna. Við lögðum af stað í gær um níu og vorum komin rétt eftir eitt. Við notuðum daginn til að heimsækja Ingu frænku á elliheimilið og strákunum fannst frábært að hún er næstum hundrað ára (96 held ég). Hún sagði þeim að hún hefði séð Grýlu þegar hún var ung. Við fórum inná Ós og sáum risavaxin hund, sem heitir Lufsa og er eins og kálfur.

Í dag vaknaði ég um sex og mætti mömmu niðri, við gátum ekki sofið fyrir háfaða í rokinu. Enda horfðum við á vegginn sem er úti á palli fjúka. Við vöktum Sverri og sendum hann út til að ná í vegginn áður en hann færi á bílana. Strákarnir vöknuðu við lætin og sáu sjóinn ganga yfir bryggjuna og hafa aldrei séð annað eins. Hér á Hólmavík fauk ýmislegt í nótt, t.d. skúr sem fauk upp og líklega hefur hann farið yfir girðingu og pommpað niður hinumeginn. Það verða öruglega sttar myndir af þessu á strandir.is Við eigum eftir að fá tjónaskýrslu frá Ósi en fréttum að þakplötur af gömlu fjárhúsunum fuku.

Ásbjörn fór með afa sínum í klippingu og kom til baka með stutt hár. Hann hafði skoðað myndir á stofuni og langaði að vera með stutt núina. Ég er að fara með Benna núna í snyrtingu.

Gleðileg jól

Igga

jólin koma

2006-12-20T09:05:00.000Z

Ég er búin að vera sveitt í jólaundirbúningi. Jólatréið er komið upp (verð að venja Binnu við), svo förum við norður á föstudaginn. Sverrir er að byrja í fríi á morgun og fer á næturvakt 26. des. Hann hefur ekki fengið svona langt frí síðan í sumar, og á þetta alveg skilið að mínu mati miðað við alla yfirvinnuna sem hann er búin að vinna í allann vetur.

Við reyndum, endurtek reyndum að taka jólamyndir af börnunum. Við dressuðum þau upp og settum gel í hárið, og byrjuðum að smella. Tókum 50 myndir en engin nothæf dæmi: sjá mynd

Á sunnudag var okkur boðið á jólaball hjá KB banka. Þetta var flottasta jólaball sem við höfum farið á, við fengum tertur og börnin fengu gjafir (nylon diskinn og dvd með jólasveininum). Það voru sex jólasveinar á svæðinu og svo kom Grýla. Brynhildur var ekki á því að tala við jólasveininn en henni fannst gaman að horfa. Jólasveininum var ekki sama þegar Binna byrjaði að grenja, en athugið að Grýla stóð við hliðina á Sverri.

Kveðja Igga

Jólaföndur og húsdýragarður

2006-12-10T23:19:00.000Z

Við fórum í jólaföndur um síðustu helgi, eins og sést eru þeir bræður yfir sig spenntir.

Við fórum líka í húsdýragarðinn og í fjósinu fundum við þennann stól, vorum að spá í að stinga honum inná okkur. Hann fer svo vel við borðstofuborðið okkar.

Sunnudagur

2006-12-10T23:02:00.000Z

Ég átti góðan dag með Binnu, þó var lokaspretturinn með svita og tárum. Við vöknuðum klukkan átta eins og vanalega um helgar, þetta var í seinna lagi. En hvað um það ég bakaði mömmukökurnar sem höfðu verið á döfinni í marga daga. Síðan fórum við í jólaþorpið í Hafnafyrði, þar dönsuðum við í kringum jólatréið með Grílu og jólasveininum. Brynhildi leist bara ágætlega á þau (ef þau komu ekki of nálægt). Við fórum í kaffi til Guggu frænku, og þar fékk Brynhildur krem í skeið. (Sjá meðfylgjandi mynd, tek það fram að á myndinni var hún rétt að byrja því peysan var ekki hvít þegar við fórum).

Við enduðum svo á því að skoða Emmu litlu hennar Kristjönu, hún er 5 vikna og Brynhildur skilur ekkert afhverju hún vil ekki mandarínu og hún var svoldið mikið að reyna að bruna með hana í vögguni. En Það er samt frábært að sja svipinn á Binnu þegar hún horfir á svona lítið barn, hún verður svo fullorðinsleg.

Kvöldið átti svo að verða rólegt, ég átti eftir að taka tímapróf í tölvum og hafði hugsað mér að gera það um níu leitið, en nei. Binna grét og grét og vildi ekkert borða og var alltaf að toga í tunguna á sér. Þá sá ég að hún er með litlar blöðrur eða bólur á tunguni. Ég hringdi í dr mömmu og fékk svör um að þetta væru ekki einkenni á alvarlegum sjúkdómi, þannig að henni var skelt í bólið og það tók einn og hálfan tíma að svæfa. Ég var að farast úr stressi með að ná að gera þetta próf (varð að skila fyrir miðnætti). En það tókst og ég dunda mér fyrir framan sjónvarpið og set krem á mömmukökurnar.

Góða nótt

Igga

Jólin koma.....

2006-11-23T10:42:00.000Z

Núna er ég komin með jólafílíng. Ég plataði Sverrir til að mála herbergið hans Ásbjarnar og ætla að flytja Benna þangað og Ásbjörg í hurðarlausaherbergið. Benni verður að fá frið fyrir litlu börnunum. Sverrir er semsagt sveittur að mála alla frídagana.

Ég er farin að vinna hálfan daginn, eða er til eitt alla daga. Ég get ekki verið að skúra mikið núna, og það er það sem þetta starf gengur útá eftir hádegið.
Svo eru prófin að byrja hjá mér, en þetta eru nú ekki nein próf þannig séð, ég geri þetta allt heima í tölvuni. Mér hefur líka gegnið mjög vel í skólanum, er bara svolítið monntin yfir því.

Þannig að næst á dagskrá hjá mér og minni er að koma upp jólaseríunum um helgina og fara svo að byrja baka, ég geri það nú sjálf, ég teysti ekki Sverri í það :)

Kveðja
Igga

Snjórinn er komin.

2006-11-11T12:34:00.000Z

Brynhildur byrjaði daginn með því að vekja mig klukkan sjö í morgun. Við vorum komnar úr fyrir tíu. Ég fór aðeins með hana út í rokið í gær, og henni fannst svo gaman að ég varð að fara með hana út á svalir þegar við vorum komnar inn aftur. En í dag fórum við í göngutúr með snjóþotu. Brynhildur vildi bara sitja og rennna, það var ekki séns að fá hana til að setjast í snjóinn.
Versta við þetta allt saman er að strákarnir eru hjá pabba sínum og missa af öllum krökkunum sem eru hér fyrir utan að renna sér. Ég vona bara að snjórinn haldi sér aðeins. Hann mætti alveg vera fram í janúar mín vegna.

Friðgeir átti afmæli 1. Nóvember, Ásbjörn varð 5 ára 3. mamma átti afmæli 9. Nóvember og Aron 10. Til Hamingju öll sömul

Við erum að fara í afmælisveislu til Hrafnhildar(átti afmæli 9.) hennar Kiddu, og síðan förum við í veislu til Arons. Brjálað að gera í dag.

Kveðja Igga

Fimmtudagur :)

2006-11-09T22:33:00.000Z

úff, alveg að koma helgi.
Ég vil byrja á því að bölva nýju vírusvörnini okkar. Hún byrjaði á því að blokka netið úti, hmm... (hefur hugsað, þetta er hættulegt). Svo við vorum ekki með netið í nokkra daga. Síðan er heilmikið mál að ná í öll verkefnin sem ég á að gera á netinu. Og síðast en ekki síst, þá get ég ekki farið á núið!!!!!!!!!! Helv.. vírusvörnin hleypir því ekki í gegn!

Nýjasta nýtt hjá Brynhildi er að setja í þvottavélina, ég horfði á hana áðan raða þvottinum, loka og stilla vélina. Ég mátti passa mig að skella ekki uppúr, hún móðgast frekar auðveldlega. En það sem ég lærði í dag er að fara helst ekki með hana í bíl. Hún byrjar að grenja áður en við komumst út úr götunni. Ég skrapp inní Hafnafjörð til Guggu í dag, og Binna var á öskrinu alla leið. En um leið og bíllinn stansaði þá hætti hún. Ég passaði mig að hafa hana sadda, þurra og með snuð og dót á leiðini til baka. En um leið og ég lagði af stað þá hennti hún öllu frá sér og byrjaði að væla. Ég lét hana væla alla leiðina heim, en um leið og ég drap á bílnum þá hætti hún og byrjaði að spjalla!!!

Bless í bili
Igga

frábær helgi

2006-11-07T21:57:00.000Z

Ég fór semsagt til Glasgow með mömmu, Drífu og Önnu dóttur hennar. Þetta var bara eitt af því skemtilegasta sem ég hef gert. Ég held að ég hafi líka þurft á fríi að halda (frá þeim heima).
Við versluðum alla daganna, ég náði að kaupa næstum allar jólagjafir og spreðaði líka í veglegar gjafir fyrir mína menn. Svo auðvitað fríkaði ég út í einni stelpudeildinni, þegar ég var komin með fimm pör af buxum á Binnu, þá hugsaði ég mig um. Ég gleymdi að kaupa á hana jólakjól, eða fann ekkert sem mig líkaði. Ég sé hana ekki fyrir mér í prinsessu kjól, hún myndi bara rífa hann, hún er doldið óþolinmóð :)
Ég toppaði svo ferðina með því að kaupa mér jólafötin fyrir næsta ár (lét Önnu máta), ég er svo heppin að við Anna erum svipaðar á hæð og breidd (frískar).

Sverrir var heima með börnin. Það gekk allt saman vel, nema Brynhildur fékk hita á sunnudag og er enþá að jafna sig. Ég fer með hana til dagmömmunar á morgun, enda er hún farin að taka bíllyklana og skóna sína og fara að útihurðinni.

Bless í bili
Igga

Nýjasta nýtt

2006-10-28T21:26:00.000Z

Við í Skógarásnum tökum því rólega núna. Sverrir var að byrja næturvaktatarnir og strákarnir eru í bústað með pabba sínum.

Við Binna vorum í dag að hjálpa Hafþóri og Olgu að flytja, ég er viss um að það var ekki mikil hjálp í okkur. En svo bættum við það upp eftir að Sverrir vaknaði, og við vorum að koma heim (kl 21). Til hamingju með íbúðina Hafþór og Olga!!!!!!!!!!!!

Myndin er tekin í afmælinu hans Ásbjarnar, ég set inn myndir af honum í afmælinu næst, var ekki búin að setja inná tölvuna. Pabbi sendi okkur þessa.

Ég er komin með ferða spenning. Núna fer minn tími í að læra og klára þau skil sem ég á að skila áður en ég fer út. Ég verð reyndar að klára það sem á að skila í vikuni þar á eftir líka, skilin eru á mánudögum.
Ég var látin í að leysa af í íþróttahúsinu í skólanum þessa vikuna og næstu. Það er fínt fyrir mig, þá næ ég að læra smá, þetta er svo rólegt þarna að ég sit og reikna alla morgna.

Núna er komin tími til að læra og þvo þvott (en spennandi líf).

Kveðja Igga

síðasti í 20 og eitthvað

2006-10-19T15:29:00.000Z

Jæja nú er komið að því! Síðasti dagurinn í dag, svo verð ég ekkert unglamb lengur. Ég finn að það er eitthvað að gerast með hárið á mér (ekki lús), ég held að grái liturin springi út bráðum.
Ég og mamma erum að fara til Glasgow með Drifu bónda og Önnu 2. nóvember. Ég ætla að kaupa mér hrukkukrem og nælonsokka. Svo spreða ég í allar jólagjafirnar, föt á börnin og afgangurinn fer í ýmislegt fyrir Sverri (má ekki gleyma honum).

Það verður svosum ekkert afmælisboð hjá mér, mamma verður í bænum og teingdó koma líka um helgina. En ég verð með smá fínan mat á morgun, svo eru gestum og gangandi boðið uppá gulrótarsafa og epladjús, svo maður sleppi sér aðeins þá ætla ég að bjóða uppá Cider líka (djók). Allir eru velkomnir í skógarásinn, en ég nenni ekki að baka, því við ætlum að halda uppá afmælið hans Ásbjarnar á sunnudaginn.

Ég verð að fara drífa mig heim, er að stelast í vinnuni.
Bless að sinni
Igga

Til Hamingju Heiða og Kalli

2006-10-15T20:28:00.000Z

Ég átti viðburðaríkan dag. Heiða vinkona mín sem er búsett á Hólmavík, gisti hjá mér, og var í bænum að bíða eftir því að eiga barn. Hún var sett 24. október en það fór þannig að við fórum í kaffi til Kristjönu í morgun og áður en Heiða fékk sér sopa af kaffinu var hún komin með hríðir. Við brunuðum niðrá deild og innan við klukkustund síðar var fæddur drengur. Þetta er ótrúlegt, ég hef fætt 3 börn en að sjá fæðingu er frábært, ég var eiginlega í sjokki í allann dag. Drengurinn er alveg eins og pabbi sinn, og byrjaði að láta heyra í sér strax. Ég skrifa meira um þetta seinna (þegar ég hef jafnað mig), ég fékk líka mikla samúðarverki.

Kveðja
Igga

úbbs, ég gleymdi ykkur

2006-10-10T22:28:00.000Z

Það er allt gott að fétta hjá okkur hér í árbænum.
Amma og afi frá Húsavík komu í óvænta heimsókn um daginn.
Hér er mynd af þeim með Brynhildi.

Benni átti afmæli 2. október, hann var mjög spenntur að fá að bjóða vinum sínum í veröldina okkar í smáralind á afmælisdaginn. Það var eins og í apabúri, drengirnir 12 sem mættu vissu nákvæmlega hvað þeir voru að fara að gera. Þegar þeir mættu voru þeir fljótir að vippa sér úr buxunum og voru í stutttbuxum og rifu sig úr sokkunum. Síðan voru þeir hlaupandi og með þvílík læti.

Ásbjörn er búin að ákveða allt í sambandi við sitt afmæli. Hann tók afa sinn á eintal og sagði honum hvar hann ætlaði að hafa nýja sjónvarpið sem afi hans átti að gefa honum. Hann fær samt ekki rosalegt afmæli, því ég verð ekki heima þessa helgi. Sverrir verður einn með börnin þrjú frá fimmtudegi til sunnudags. Ég verð að leika mér með mömmu annarsstaðar.
Ég hugsa að við höldum uppá afmælið samt sem áður, bara ekki um helgina.

.

Helgin

2006-09-24T10:55:00.000Z

Það á að vera kósý (eins og Ásbjörn segir) heilgi hjá okkur Binnu. En núna er Sunnudagur, Sverrir var að vinna kvöldvakt í gær og aftur í kvöld. Þetta átti að vera fríhelgi en það gerist mjög sjaldan, frí um helgar er ekki til hjá þessari stétt. En teingdó komu í bæinn á föstudagskvöldið og við hittum þau í gær og núna eigum við von á þeim í heimsókn á eftir (skelli inn myndum á eftir). Ég var húsmóðir dau... í morgun, ég vaknaði kl 7 með Brynhildi og við bökuðum brauðbollur, svo erum við búnar að taka voða mikið til í dag.
Brynhildur þarf nauðsynlega að fara í klippingu (set myndir af því líka á eftir), en góðu fréttirnar eru að það er farið að glitta í klullur!! Og Sverrir greiðir henni og reynir að láta krullurnar koma í ljós, þetta er eiginlega mjög fyndið að horfa á þetta.
Meira kemur seinna í dag
Igga

Mikið að gera á stóru heimili

2006-09-20T21:46:00.000Z

Brynhildur er búin að vera veik síðan á mánudag. Ég svosum vissi að hún yrði veik eftir réttirnar, því strákarnir urðu alltaf veikir eftir réttir. En ég fór í vinnu í dag, síðan áttti ég eftir að sækja liðið (Sverri líka), og þegar við vorum að renna í hlað hér heima var klukkan orðin 5 og þá þurfti ég að bruna með Ásbjörn á sundæfingu. Og við komum heim um half sjö. Þetta er fj... mikið, en ég læt mig hafa það (vildi samt geta fengið mér öl svona þegar börnin sofna:)). Núna er ég búin að sitja fyrir framan tölvuna í 2 tíma að læra og ég er farin að bulla. Ég held að ég skelli mér í bólið.
Góða nótt
Igga

Sónar í dag.

2006-09-19T15:48:00.000Z

Ég fór í sónar í dag!! Og hvað haldið þið ég er sett 19. febrúar. Kynið hmm... bíðiði ég ætla að spyrja Sverri hvort ég má segja..............bíða enþá......... hann er svoldið montinn með dagsetninguna sko.... já það er STRÁKUR
Við fórum í réttir á Hólmavík um síðustu helgi. Við tókum Sölva og Aron með okkur, og Aron er gott efni í bónda, hann var fljótur að læra þetta. Sölvi aftur á móti er svo mikill berjakall að hann átti það til að gleyma sér í berjatínslu, en fékk að taka með sér heim alblóðugt horn af lambi, mömmu sinni til mikillar gleði. Benni er farin að þora draga lömbin og er duglegur að hlaupa um túnin á eftir rollunum, hann og Aron voru sendir með Sverri lengri leiðirnar. En Ásbjörn fór með afa sínum og ég sá ekki betur en hann væri komin á háhest eftir nokkra spöl. En annars var hann í göngugreiningu í dag og er með ilsig og skakkann hæl þannig að það er ekkert skrítið þótt hann geti lítið gegnið.

Takk í dag
Igga

Helgin

2006-09-09T23:02:00.000Z

Jæja þá er þessi törn búin. Ég fór í skólann í gær og í dag og var til 5 báða dagana. Það gekk vel ég held að ég þurfi svona trukk til að byrja og komast inn í þetta. Hafþór og Olga björguðu okkur í gær með pössun. Sverrir er búin að vera á kvöldvöktum þessa helgin og er þá að vinna frá half 5 til 5 og ekki gat ég farið að vekja hann til að vera með krakkana í morgun og varð að fá Kristjönu vinkonu mína til að koma og vera til hádegis. En þegar ég kom heim var Brynhildur voðalega dösuð, og hún slappaðist þegar fór að líða á, og er núna með 39 stiga hita og er búin að sofa meira og minna síðan kl 6 í dag. Hún vaknar reyndar á 10mín fresti á orginu en hættir svo þegar ég kem og kem við hana (móðursjúk). Strákarnir eru hressir, reyndar fékk Ásbjörn í magann eftir að hafa stolist í nammiskápinn í dag. Svo er planið á morgun að reyna komast í afmæli til Sölva, ég vona að Brynhildur komist nú eitthvað. Annars verð ég að senda strákana (líka Sverri), og þá fæ ég enga köku :(
Bless í bili
Igga

Mynd af Ásbirni

2006-09-08T19:51:00.000Z

Ásbjörn Nói í dag. Hann var að klára að borða pizzu.

Svona er Benni í dag

2006-09-07T20:29:00.000Z

Benni er alveg eins og krimmi svona

sæl öll sömul

2006-09-07T20:15:00.000Z

Úbbs!
Ég var búin að gleyma þessari síðu. Ég er byrjuð að vinna í Selásskóla og er að vinna 100%. Þetta er þvílíkur munur að vera vinna, en það reynir svoldið á taugar og þol. Einhverjum datt í hug að setja mig hjá 6 ára krökkunum, og þá aðallega að gæta stráks sem er með einhverjar greiningar á bakinu, m.a. er hann með áráttu og svo er hann oft í örðum heimi t.d. í dag borðaði hann kóngulær og blóm. Svo er ég að byrja í skólanum á morgun, ég verð þar á morgun og á laugardag, en svo tekur við fjarnám. Úff ég er að taka 4 fög, heimilið verður bara að bíða á meðan og þið fáið bara bónuskökur og ekkert heimatilbúin á meðan. Benni snillingur átti að fara að sofa í gær, hann var svo furðulega þægur, hann burstaði og fór að lesa og slökti ljósin,,,, hmmm án þess að kvarta eitthvað… en svo fór ég inná klósett og sá hár út um allt!!!! Ég fór inn til Benna og þá var hann með buff á hausnum, ég tók það af og þá var hann búin að klippa sig !!!!!aaarrrrgg. Ég var að snoða hann í dag og núna er hann eins og Sverrir :) Við vorum líka að kaupa bíl, það er Chrysler, town and counrty 7 manna bíll, með sjónvarpi og öllum nýjustu tækni undrum. Ég get sett spólu í tækið og krakkarnir horfa á með þráðlausum heyrnatólum!!! (draumur allra foreldra)
Bless í bili
Igga

Binna Slösuð

2006-08-30T17:48:00.000Z

Hér eru myndir að Brynhildi eftir fallið hjá dagmömmuni í gær.

Er þetta of mikið til að byja með?

2006-08-30T14:25:00.000Z

Ég er að byrja vinna í Selásskóla, fæ þar starf sem sjálfboðaliði.... nei þetta heitir víst skólaliði :) en er á mörkum þess að vera sjálfboðastarf, ég er að fá jafn mikið fyrir þetta eins og ef ég væri á atvinnuleysisbótum. En ég verð að komast út og vinna ég missi annars geðheilsuna. Svo ákvað ég að skella mér í MK og læra bókhald og viðskipti, fer á skrifstofubraut. Sverrir verður húsmóðirin í vetur og ég læt mig hverfa ofan í skólabækurnar á kvöldin.

Binna brjálaða

2006-08-29T17:21:00.000Z

Margt gerist á einum degi

2006-08-29T16:30:00.001Z

Þegar ég vaknaði í dag, var að vinna í nótt, þá fékk ég fréttirnar hjá Frúnni að hún væri búin að ráða sig í vinnu, skrá sig í skóla og þetta ætti allt að byrja á föstudaginn!
Þetta er bara ágætt, þá get ég kannski keypt mér nýjan bíl.

Svo var litla prinsessan sótt til dagmömmunnar. Þegar hún kemur upp tröppurnar heima sé ég að hún er með þetta líka svakalega sár á enninninu!! Hún datt nefnilega hjá dagmömmunni beint á andlitið þegar hún var í gönguferð á stéttinni fyrir utan hjá henni.

Sverrir

komin með blogg!!!!

2006-08-29T10:59:00.000Z

Við í Skógarás 13 verðum að vera eins og allir hinir og reyna blogga svolítið.